آخرین مطالب
امکانات وب
به نوم آفریننده نوم ونشون دنیا
ترکیب گویش بختیاری باسایر گویشها
(مین همی گدناهه بختیاری وا دیر گدنا)
تقدار جستجوری که زبار زون یا گدنیه بختیاری که مو داشتوم و ایی نتیجه رسیدوم که بیشترین بن واجه هاهه بختیاری ریشه مین رهزهشت پهلوی وفارسی نها وسانسکریت داره منی نهاترین بن واژه هاییه که گاشم اولین آدوما نها مین زونسون روون وابیده مین زون یا گدنیه بختیاری هم به ارث رسیده یا بهتر بگوییم که زوون بختیاری گنجینه نهامردمون دنیاهه مجالی که یادی ز ایی بن واژه ها ایکنوم به بفرگ روزگارونی ایوفتوم که مردم دنیا وایه زوون وایک حرف ایزیدن وبعدها که زیادتر وابیدن هرکدومسون به یه جا کوچ ایکردن بدلیلایی زوونا هم فاصله گرهدن وهر قوم وولایتی مین ایی دنیا بخاطر نزدیکتر بهم بیدن ومحرمتر بیدن حرفا تازه ای وارمزا تازه تری به هم یاد دادن که فقط قابل فهم گروه خوسون بوهن البته یو نظر شخصی مونه ایطو بنظرم ایرسه. زاگرس نشینون ز کردستون تا فارس همسایه به همسایه وایه زونا همدینه درک ایکردنوخیلی ز گل واژه هاسون وایک یکی بیدن مین همی یا مشترک بیدن مثلا بیشتر زوون کرمونشاهیها وا کرداهه کردستونی یکین ونیمی بیشتر ز لراهه فیلی ولک واکرمونشاهیها وهمیطور لرخرم آبادی با فیلی ولکی وبختیاری وبهمه ای وممسنی ودشتی و بندری وآبادانی تاشیراز وفارس ومابقی لراهه لرگپ به همین نسبت مین همیهایی وایک دارن وواخیلیا ز قوماهه ایرونی ایی مین همیها کمابیش وایک دارن پیش زیو گدیم که خیلی ز بن واجه هاهه بختیاری ریشه مین رهزهشت پهلوی وسانسکریت داره ویا وازوناهه دنیا بعضی بن واجه ها مشترکن یا مین همی دارن وگدیم که شاید نهاترین بن واجه ها نها مردمونی به یادگارمنده که هنی بختیاریا زسون بهره ایبرن واسون حرف ایزنن. چند تا زایی بن واجه ها هه بختیارینه با بن واجه هاهه انگلیسی براور هم اینیم. دوون یا به لم زوون بختیاری وایه کمی اختلاف به زوون انگلیسی دون. بلاز یا همو زوونه تش ویا کمی زنظر صوتی به زوون انگلیسی بلیز. نف یا دماغ واکمی اختلاف حرفی ملث لهجه ها به زوون انگلیس نوز.لنگ که همو پاهه وکم بیدن حرف نون مین زوون انگلیسی لگ. کل به معنی شادی وهلهله مین زوون بختیاری واهمو معنی مین زوون انگلیسی کل. بازهم کل به معنی ز سرپهلی بلند اویدن ویا کمی اختلاف معنی مین زوون انگلیسی کل به معنی ری پهلی خوسستنه. گال به معنی صداهه بلند کردن مین زوون بختیاری ملث گالنیدن اسب مین زوون بختیار واهمو معنی وکمی اختلاف حرف یعنی کال که البته ایی بن واجنه عروا ز ایرونیا هم گرهده بیدن وچونکه حرف گاف مین حروفاسون نبید مجبور وابیدن زحرف قاف بهره بورن وبه نوم قال زس استفاده کردن مین رهزهشت خوسون بردن ریشه بس دادن ملث بن واجه میر که یونه هم ز ایرونیا گرهدن.البته انگلیسیا به تلفن کردن هم کال ایگون. گال مین رهزهشت پهلوی هم جاداره .میر که فارسیس هم همیونه یعنی آدوم والیاقت وشایسته که به زوون انگلیسی وایه کمی جابجایی واهمی معنی میریت نوم داره البته به زوون روسی واهمی نوم وهمی معنی یعنی میر بکار ایره.وبختیاریها به پیایی که سرپرست حونسه میره ایگون که حرف ه آخر هر کلمه ای مین بختیاریها به معنی کوچیره مثلا میر که یعنی مرد لایق وشاسیته میره یعنی پیا کوچیر لایق وشایسته ایچو کوچیر منظور جامعه کوچیر تر یا خانواده کوچیرتر چونکه میر مین حد سرپرستی یه ملت گپیه. بن واجه کیپ مین زوون بختیاری یعنی سیلایی که مانع داشته بوهه یا بسته بوهه ومین زوون انگلیسی همی نوم واهمی معنا وبازهم کیپ یا گپ مین زوون بختیاری یعنی ساکت ملث یوکه ایگون فلونی دی هچی نگود کیپ وابید یا گپ کرد مین زوون انگلیسی بازهم همون بن واجه واهمو معنی یکیه.لیک به زوون بختیاری همون جیک بلنده که وایه کمی اختلاف معنی لیک به زوون انگلیسی یعنی زونه کشیدن .بازهم لیک مین زوون بختیاری یعنی مشک یا یه چی که یواش یواش او زس بیاهه یا نم بده مین زون انگلیسی وایه کمی اختلاف یعنی ورخرد یواشکی وبازهم لیک وایک کمی اختلاف حرف به زوون انگلیسی به معنی لیسه که به زوون فارسی ولری هم لیس معنی ایده.مین فارسی هم خیلی زایی بن واجه ها وا انگلیسی وبختیاری مشترکن ملث: جن ، جنگل، شارلاتان، بد. ویه اشتراکایی وا اختلافاهه جزیی مابین انگلیسی وآلمانی وفارسی دیده ایبوهه ملث بن واجه برادر که انگلیسی ها ایگون برادر وآلمانیها ایگون برودر وبن واجه پدر آلمانیها ایگون فدر وانگلیسیها ایگون فادرو کلمه دختر که آلمانیا ایگون تختر وآلمانیها ایگون داتر وبختیاریها ایگون دهدر خیلی زنها بن واجه هاهه دنیا کمابیش وایک مین همی دارن و نشون دهنده یونه که ایی گل واجه ها دست نخرده زدنیاهه نها بجا مندنه.
وا آرزوهه پایداری وموندگاری نوم ویاد ویادگاری خوش
جلال اسفندیاری غریبوند: 21/4/96